Աֆղանստանում հյուրանոցի հարձակման զոհերի թիվը հասել է 5-ի

Աֆղանստանի մայրաքաղաքում հյուրանոցի վրա հարձակման ժամանակ գրոհայիններն սպանել են հինգ մարդու, հաղորդում է Agence France-Presse-ն իր Tweeter-ում՝ վկայակոչելով տեղական ոստիկանության պետ Աբդուլ Ռահման Ռահիմիին:

«Park Palace հյուրանոցի հարձակման հետևանքով հինգ մարդ է զոհվել, ևս հինգը՝ վիրավորվել, այդ թվում՝ օտարերկրացիներ», - ասել է ոստիկանության աշխատակիցը:

Նա հավելել է, որ 54 մարդ փրկվել է իրավապահների կողմից, իսկ բոլոր զինյալները`ոչնչացվել:

Նշվում է, որ մինչ այժմ ոչ մի ահաբեկչական խմբավորում չի ստանձնել հարձակման պատասխանատվությունը:

Ավելի վաղ հաղորդվում էր, որ երկու մարդ զոհվել է Քաբուլի հյուրատան վրա հարձակման հետևանքով: