Ռուսաստանը հետ կուղարկի Թուրքիայից բերված մոտ 6 տոննա վարակված ելակը

Թուրքիայից Ռուսաստանի Նովոռոսիյսկ քաղաքի նավահանգիստ է բերվել մոտ 6 տոննա վարակված ելակ: Մոտ 6 տոննա հատապտուղը կվերադարձվի բեռն ուղարկողին: Այս մասին հայտնում է ՏԱՍՍ գործակալությունը՝ հղում անելով ՌԴ-ի անասնաբուժության և ֆիտոսանիտարիայի ոլորտում հսկողություն իրականացնող «Ռոսսելխոզնադզոր» դաշնային ծառայության Կրասնոդարի երկրամասի և Ադիգեյայի Հանրապետության վարչությանը:

«Ծովային անցակետում զննման ընթացքում Թուրքիայից բերված ընդհանուր 5.9 տոննա քաշով ելակում հայտնաբերվել է ՌԴ-ի համար կարանտինային օբյեկտ` արևմտյան (կալիֆոռնիական) ծաղկային տրիպսներ: Վնասատուի առկայությունը հաստատվել է Կրասնոդարի միջշրջանային անասնաբուժական լաբորատորիայի կողմից»,- նշել են գերատեսչությունում: