ԻՊ առաջնորդը մուսուլմաններին կոչ է արել վերահաստատվել իրենց խալիֆայությունում

«Իսլամական պետություն» ահաբեկչական խմբավորումը 35 րոպպե տևողությամբ ձայնագրություն է հրապարակել, որը ամենայն հավանականությամբ ձայնագրել է խմբավորման առաջնորդ Աբու Բաքր ալ Բաղդադին, հաղորդում է Business Insider-ը:

Ուղերձում Բաղդադին բոլոր մուսուլմաններին կոչ է անում տեղափոխվել և վերահաստատվել «Իսլամական պետության» տարածքում կամ պայքար մղել իրենց երկրներում: Խմբավորումը վերահսկում է Սիրաիայի և Իրաքի մի մասը, որտեղ և հայտարարել է խալիֆայության ստեղծման մասին:

Associated Press-ը հայտնում է, որ ԻՊ առաջնորդը պնդում է, թե իսլամը երբեք խաղաղության կրոն չի եղել: «Իսլամը պայքարի կրոն է: Ոչ ոք չպիտի մտածի, թե մեր պայքարը «Իսլամական պետության» պայքարն է: Սա մուսուլմանների կռիվն է, բայց ԻՊ-ը ղեկավարում է այն: Սա մուսուլմանների պայքարն է անհավատների դեմ»,- ասել է Ալ Բաղդադին:

Նշենք, որ ապացույցներ չկան, որ ուղերձում հնչող ձայնը հենց Ալ Բաղդադիի ձայնն է: