Կադիրովը բոլորին հրավիրել է 47-ամյա Նաժուդի և 17-ամյա Լուիզայի հարսանիքին
Աշխարհ
Չեչնիայի ղեկավար Ռամզան Կադիրովը բոլոր ցանկացողներին հրավիրել է ՆԳ շրջանային բաժանմունքի 47-ամյա ղեկավար Նաժուդ Գուչիգովի և 17-ամյա Լուիզա Գոյլաբիևայի հարսանիքին: Այդ մասին նա գրել է Instagram-ի իր էջում, հայտնում է lenta.ru-ն:
«Գրոզնիում տեղի կունենա Նաժուդի և Լուիզայի ամուսնության պաշտոնական արարողությունը: Բոլորին հրավիրում եմ: Տարիքային տարբերությունը 30 տարի է: Աղջկա ծնողներն օրհնել են այդ միությունը: Այս հարսանիքի հանդեպ հետաքրքրությունն անչափ մեծ է. ներկա կլինեն 1,500 լրատվամիջոցի ներկայացուցիչներ»,- նշել է Կադիրովը:
Նա հայտնի անձանց օրինակն է մեջբերել և կոչ է արել չմիջամտել Գուչիգովի ու Գոյլաբիևայի անձնական կյանքին:
Կադիրովը հայտնել է նաև, որ հետևում է իսլամի խիստ կանոններին և ՌԴ օրենքներին, իսկ նրանց նկատմամբ, ովքեր միջամտել են նորապսակների անձնական կյանքին, պատրաստվում են դատական հայցեր:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
