Ավստրալիա. խուլ կինն առաջին անգամ հաղորդակցվել է հեռախոսով

Ավստրալիայի Վիկտորիա հարավային նահանգում բնակվող կինը դարձել է երկրում առաջին կույր և խուլ մարդը, որին հաջողվել է հաղորդակցվել հեռախոսով, տեղեկացնում է «Արմենպրես»-ը՝ հղում անելով BBC-ին:

Միշել Սթիվենսն իր քրոջ հետ խոսել է՝ օգտագործելով նոր հարմարանքը, որը խոսակցությունը թարգմանում է Բրայլի տպատառով (ընթերցանության և գրության համակարգ կույրերի համար):

Նման հարմարանքի օգտագործումը ներկայումս միաժամանակ թեստավորվում է Ավստրալիայում և ԱՄՆ-ում:

Ինչպես սպասվում է, այդ տեխնոլոգիան խուլ և կույր մարդկանց կօգնի տեղավորվել աշխատանքի: