Կրեմլը չի պատրաստվում ընդունել Նուլանդին
Աշխարհ
Ռուսաստանի նախագահի վարչակազմում չեն պլանավորում ընդունել ԱՄՆ-ի պետքարտուղարի՝ Եվրոպայի և Եվրասիայի գործերով օգնական Վիկտորյա Նուլանդին, որը գտնվում է Մոսկվայում: «Ո՛չ»,- կարճ պատասխանել է պետության ղեկավարի մամուլի քարտուղար Դմիտրի Պեսկովը ՏԱՍՍ-ի այն հարցին, թե Նուլանդի հանդիպումներ ունենալու է արդյոք Կրեմլի վարչակազմում:
«Եթե նման հանդիպումներ լինեն, մենք այդ մասին կհաղորդենք, բայց առայժմ այդ մասին ինձ հայտնի չէ»,- նշել է մամուլի քարտուղարը:
Պեսկովն ասել է, որ «երբ նախագահ Վլադիմիր Պուտինը ՌԴ-ի արտաքին գործերի նախարար Սերգեյ Լավրովին և ԱՄՆ-ի պետքարտուղար Ջոն Քերիին անցած շաբաթ ընդունեց Սոչիում, իսկապես արծարծվել է աշխատանքային ռեժիմով ավելի սերտ երկխոսության և տարբեր մակարդակներով կարծիքների փոխանակման անհրաժեշտության հարցերը»:
Ինչպես ՏԱՍՍ-ին հայտնել է ՌԴ-ի արտաքին գործերի փոխնախարար Գրիգորի Կարասինը, Մոսկվայում հուսով են մայիսի 18-ին ԱՄՆ-ի պետքարտուղարի՝ Եվրոպայի և Եվրասիայի գործերով օգնականի հետ քննարկել Կիևի, Դոնեցկի և Լուգանսկի միջև երկխոսության կարգավորման հարցը:
«Կքննարկենք Ուկրաինայում ստեղծված իրադրության կարգավորման գործընթացը, և, ամենից առաջ, Մինսկի պայմանավորվածությունների կատարումը, Կիևի, Դոնեցկի և Լուգանսկի միջև երկխոսության կարգավորումը»,- ընդգծել է դիվանագետը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
