«Վաշինգտոնը շարունակում է Մոսկվայի հետ աշխատել Ուկրաինայի իրադրության կարգավորման շուրջ». Նուլանդ
Աշխարհ
ԱՄՆ-ի պետքարտուղարի օգնական Վիկտորյա Նուլանդը հայտարարել է, որ Վաշինգտոնը Մոսկվայի հետ շարունակում է աշխատանքը Ուկրաինայում խաղաղության հասնելու համար, տեղեկացնում է «Արմենպրես»-ը՝ հղում անելով «Ինտերֆաքս»-ին:
«Մենք շարունակում ենք աշխատել այդ հարցի շուրջ»,-ասել է նա՝ ՌԴ ԱԳ փոխնախարար Սերգեյ Ռյաբկովի հետ հանդիպման արդյունքների մասին խոսելիս՝ պատասխանելով լրագրողների այն հարցին, թե երբ պետք է խաղաղություն սպասել Ուկրաինայում:
Նուլանդը Ռյաբկովի հետ հանդիպում է ունեցել մայիսի 18-ին: Ենթադրվում է, որ զրույցի շրջանակներում քննարկվել են ռուս-ամերիկյան երկկողմ հարաբերությունները:
ԱՄՆ-ի պետքարտուղարի օգնականը նաև հանդիպում է ունեցել Մոսկվայի Հելսինկյան խմբի ղեկավար Լյուդմիլա Ալեքսեևայի հետ:
Ավելի վաղ Ռուսաստանի նախագահի մամուլի քարտուղար Դմիտրի Պեսկովն ասել է, որ Կրեմլի վարչակազմում չեն պլանավորում ընդունել ԱՄՆ-ի պետքարտուղարի՝ Եվրոպայի և Եվրասիայի գործերով օգնականին:
«Եթե նման հանդիպումներ լինեն, մենք այդ մասին կհաղորդենք, բայց առայժ այդ մասին ինձ հայտնի չէ»,- նշել է մամուլի քարտուղարը:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
