ԱՄՆ Պետդեպը մինչ 2016 թվականի հունվար կհրապարակի Քլինթոնի նամակագրությունը

ԱՄՆ Պետդեպարտամենտը հայտարարել է նախկին պետքարտուղար Հիլարի Քլինթոնի պաշտոնական նամակագրությունը մինչ 2016 թվականի հունվար հրապարակելու մտադրության մասին: Այս մասին հաղորդում է Vice News-ը՝ վկայակոչելով դատական փաստաթղթերը:

Քլինթոնը 2009-2013թթ. պետքարտուղար եղած ժամանակ օգտվել է անձնական էլեկտրոնային փոստից, ընդ որում` հաղորդագրությունները գտնվել են Քլինթոններին պատկանող մասնավոր սերվերում:

Երբ այդ մասին հայտնի է դարձել, Քլինթոնին քննադատել են կանոնների հնարավոր խախտման մեջ, համաձայն որոնց՝ պետծառայողների նամակագրությունը չի կարող լինել մասնավոր:

Քլինթոնը հայտարարում է, որ օրենք չի խախտվել: