Ճապոնիայում շուրջ 500 մարդ է հոսպիտալացվել ջերմահարության պատճառով, կան զոհեր
Աշխարհ
Ճապոնիայում մայիսի 11-ից մինչև 17-ն ընկած ժամանակահատվածում ավելի քան 480 մարդ է հոսպիտալացվել ջերմահարության պատճառով, զոհվել են երկուսը: Այդ մասին, ինչպես տեղեկացնում է «Արմենպրես»-ը, մայիսի 19-ին հաղորդել է երկրի հրշեջ վարչությունը, որը կատարում է նաև արտակարգ իրավիճակների նախարարության գործառույթները:
Անցած շաբաթ Ճապոնիայի բազմաթիվ շրջաններում օդի ջերմաստիճանը հասել է 30-ի: Ներկայումս, սակայն, երկրի տարածաշրջանների մեծ մասում, ներառյալ մայրաքաղաքը, անձրևոտ եղանակ է, օդի ջերմաստիճանը նվազել է մինչև 20 աստիճան:
Անցած ամռանը երկրում ջերմահարությունից հոսպիտալացված բնակիչների թիվը գերազանցել է 53 հազարի նշագիծը: Մահացել է ավելի քան 300 մարդ, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
