ՄԱԿ-ի գլխավոր քարտուղարը մայիսի 21-ին կայցելի կորեական Կեսոն արդյունաբերական գոտի

Աշխարհ 20 Մայիս, 2015 0:24

ՄԱԿ-ի գլխավոր քարտուղար Պան Գի Մունը պլանավորում Է մայիսի 21-ին այցելել կորեական Կեսոն համատեղ արդյունաբերական գոտի, որը գտնվում Է ԿԺԴՀ-ի հարավում, տեղեկացնում Է «Արմենպրես»-ը:

Ինչպես «Ռյոնհապ» գործակալությանը հայտնել են Հարավային Կորեայի արտաքին գործերի նախարարության ներկայացուցիչները, ՄԱԿ-ի գլխավոր քարտուղարը պլանավորում Է այցելել հարավկորեական ընկերություններ և հանդիպում ունենալ հյուսիսկորեացի աշխատավորների հետ, որոնք արդյունաբերական գոտում զբաղված են արտադրության մեջ:

Ավելի վաղ Պան Գի Մունը հայտարարել Էր հարմար ժամանակ ԿԺԴՀ ժամանելու պատրաստակամության մասին, եթե «այդ այցն օգտակար լինի» Կորեական թերակղզու լարվածությունը մեղմացնելու համար:

Նրա հայտարարությունը հնչել Է ասիական երկրների ղեկավարների՝ Սեուլում բացված 6-րդ խորհրդաժողովում, որը նվիրված Է Ասիախաղաղօվկիանոսյան տարածաշրջանում (ԱԽՏ) անվտանգության և զարգացման հարցերին: Միջոցառմանը, որը կանցկացվի մայիսի 19-20-ին, մասնակցում են ազդեցիկ քաղաքական գործիչներ, կորպորացիաների ղեկավարներ, ինչպես նաև առաջատար միջազգային փորձագետներ, որոնք զբաղվում են ԱԽՏ-ի խնդիրներով: Մասնավորապես, այս տարի սպասվում են Հնդկաստանի վարչապետ Նարենդրա Մոդիի, ԱՄՆ-ի՝ ԿԺԴՀ-ի հարցերով հատուկ ներկայացուցիչ Կիմ Սոնի, Ճապոնիայի նախկին վարչապետ Կաոտո Կանի, ԱՄՆ-ի պաշտպանության նախկին նախարար Չաք Հեյգելի, ինչպես նաևAlibaba Group չինական խոշորագույն ինտերնետ-ընկերության հիմնադիր Ջեկ Մայի և ուրիշների ելույթները:

Կորեական թերակղզին ձևականորեն գտնվում Է պատերազմական իրավիճակում, քանի որ 1950-1953 թվականների Կորեական պատերազմն ավարտվել Է ոչ թե հաշտության պայմանագրի, այլ զնադադարի ստորագրմամբ: ԿԺԴՀ-ի և Հարավային Կորեայի միջև հարաբերությունները կտրուկ սրվել են 2010 թվականին «Չհոնան» հետախուզական ռազմանավի կործանումից հետո, որը, ինչպես պնդում են Սեուլում, խորտակվել Է հյուսիսկորեական տորպեդի կողմից, և Դեղին ծովում գտնվող Յոնպհյոնդո կղզու շրջանում տեղի ունեցած զինված միջադեպից հետո, որը երկու զինծառայողի կյանք խլեց:

Ներկայում Կեսոնում աշխատում են հարավկորեական 120 ընկերությունների շուրջ 53 հազար հյուսիսկորեացի աշխատակիցներ: Ձեռնարկություններում արտադրում են հագուստ, կոշիկ, ժամացույցներ և այլ ապրանքներ, հաղորդել Է ՌԻԱ Նովոստին: