Թուրքիան չի մասնակցելու «Թուրքական հոսքի» շինարարությանը
Աշխարհ
Թուրքիան չի մասնակցելու «Թուրքական հոսք» գազային խողովակաշարի շինարարությանը: Այս մասին, ինչպես հաղորդում է «Արմենպրես»-ը, թուրքական TRT Haber հեռուստալիքին տված հարցազրույցում հայտարարել է Թուրքիայի էներգետիկայի և բնական պաշարների նախարար Թաներ Յըլդըզը:
Նրա խոսքով' ենթադրվում է, որ շինարարության ավարտից հետո, որը ստանձնել է ռուսական կողմը, Թուրքիան կդառնա ռուս-թուրքական համատեղ ընկերության համահիմնադիր: Այն կստեղծվի Էդիրնե նահանգում, որտեղ պետք է գտնվի խողովակաշարի դեպի ցամաք ելքի վայրը:
«Թուրքական հոսք» նախագիծը նախատեսում է Սև ծովի հատակով Ռուսաստանից Թուրքիա գազի մատակարարում: 2014 թվականի դեկտեմբերի 1-ին Ռուսաստանի Դաշնության նախագահ Վլադիմիր Պուտինի' Թուրքիա կատարած այցի ընթացքում ռուսաստանյան «Գազպրոմ» և թուրքական խողովակաշարային Botash ընկերությունները գազատարի շինարարության գծով փոխհամաձայնության մասին հուշագիր էին ստորագրել:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
