«Ուկրաինայում «իսկական պատերազմ» Է ընթանում Ռուսաստանի դեմ». Պորոշենկո

Ուկրաինայի նախագահ Պյոտր Պորոշենկոն բրիտանական BBC հեռուստառադիոկորպորացիային տված հարցազրույցում հայտարարել Է, որ իր երկիրը «իսկական պատերազմի» վիճակում Է գտնվում Ռուսաստանի հետ, տեղեկացնում Է «Արմենպրես»-ը:

«Եկեք շիտակ խոսենք. մենք անջատողականների դեմ չենք կռվում, որոնց պաշտպանում Է Ռուսաստանը: Սա իսկական պատերազմ Է Ռուսաստանի դեմ»,-ասել Է ՈՒկրաինայի նախագահը:

Պորոշենկոյի կարծիքով՝ դա ապացուցում Է մայիսի 16-ին Դոնբասում երկու ռուսաստանցիների ձերբակալումը, որոնք, նրա պնդմամբ, Ռուսաստանի զինված ուժերի զինծառայողներ են:

Ըստ ՌԻԱ Նովոստիի՝ ՌԴ-ի պաշտպանության նախարարությունն ավելի վաղ հայտարարել Է, որ գերյալները, իրոք, ՌԴ-ի քաղաքացիներ են, բայց բռնվելու պահին գործող զինծառայողներ չեն եղել, իսկ ինքնահռչակ Լուգանսկի Ժողովրդական Հանրապետության իշխանությունները հայտարարել են, որ ուկրաինացի ուժայիններին գերի են ընկել մարտում վիրավորված ժողովրդական միլիցիայի մարտիկները՝ Եվգենի Երոֆեևը և Ալեքսանդր Ալեքսանդրովը:

BBC-ին տված հարցազրույցում նախագահ Պորոշենկոն ներկայացրել Է տվյալներ, որոնց համաձայն՝ Ուկրաինայի հարավ-արևելքում ուժային գործողության ընթացքում զոհվել Է 1800 ուկրաինացի զինվոր, ինչպես նաև 7 հազար խաղաղ բնակիչ:

«Սա աղետ Է, և աղետ Է ոչ միայն մայրերի, այլև ողջ երկրի համար: Աղետ Է 1800 զինվոր կորցրած յուրաքանչյուր ընտանիքի համար, գրեթե 7000 քաղաքացի կորցրած յուրաքանչյուր ընտանիքի համար»,-հայտարարել Է Ուկրաինայի ղեկավարը:

Ըստ ՄԱԿ-ի տվյալների, զինված հակամարտության մեկ տարվա ընթացքում՝ 2014 թվականի ապրիլի 16-ից, Ուկրաինայի արևելքում զոհվել Է 6116, վիրավորվել գրեթե 15,5 հազար մարդ, հաղորդել Է ՏԱՍՍ-ը: