ՄԱԿ-ը կտրուկ վատթարացրել է Ռուսաստանի վերաբերյալ տնտեսական կանխատեսումը

Միավորված ազգերի կազմակերպությունը կտրուկ վատթարացրել Է 2015 թվականին Ռուսաստանի համախառն ներքին արդյունքի (ՀՆԱ) վերաբերյալ կանխատեսումը: Այս մասին, ինչպես տեղեկացնում Է «Արմենպրես»-ը, հաղորդել Է ՏԱՍՍ-ը՝ վկայակոչելով ՄԱԿ-ի Տնտեսական և սոցիալական հարցերի դեպարտամենտի զեկույցը:

Դեկտեմբերին համաշխարհային կազմակերպության փորձագետները կարծում Էին, որ ՌԴ-ի տնտեսությունը կաճի 0,2 տոկոսով, այժմ նրանք կանխատեսում են երեքտոկոսանոց անկում: Բացի դրանից, վատթարացվել Է 2016 թվականի համար արված կանխատեսումը. ՄԱԿ-ում կարծում են, որ Ռուսաստանին լճացում Է սպասում: Ավելի վաղ ենթադրվում Էր 1,2 տոկոս աճ:

Ըստ որում Ռուսաստանի վերաբերյալ կանխատեսումն ավելի վատ Է, քան ԱՊՀ-ի երկրներինը: 2015 թվականին դրանց համար կանխատեսում են 2,1 տոկոս անկում, 2016-ին՝ 0,9 տոկոս աճ:

Տնտեսական և սոցիալական հարցերի դեպարտամենտի մասնագետ Գրիգոր Աղաբեկյանը պարզաբանել Է, որ Ռուսաստանի տնտեսության վերաբերյալ կանխատեսման վերանայումը կապված Է ավելի շուտ նավթի գների նվազման, քան միջազգային պատժամիջոցների հետ: Նախորդ զեկույցում ՄԱԿ-ի փորձագետները հիմնվել են նավթի բարելի 90 դոլար միջին գնի վրա (այժմ Brent մակնիշի նավթը վաճառվում Է շուրջ 65 դոլարով):

Աղաբեկյանը հայտնել Է, որ ՄԱԿ-ում նավթի միջին գինն սպասում են 2015 թվականին 60 դոլարի և 2016 թվականին՝ 70 դոլարի մակարդակում: Փորձագետը նշել Է, որ ներկա պայմաններում Ռուսաստանը պետք Է նվազեցնի կախվածությունն արտաքին գործոններից, բազմատեսակացնի տնտեսությունը և բարելավի ներդրումային կլիման:

Արժույթի միջազգային հիմնադրամում կարծում են, որ Ռուսաստանի տնտեսությունը տարվա արդյունքներով կկրճատվի 3,8 տոկոսով: Morgan Stanley բանկն սպասում Է, որ ՀՆԱ-ն կնվազի 5 տոկոսով: