Գերմանիայի հետախուզության ղեկավարը խոստովանել է կախվածությունն ԱՄՆ-ի հատուկ ծառայություններից

Գերմանիայի Հետախուզության դաշնային ծառայության (Bundesnachrichtendienst, BND) ղեկավար Գերհարդ Շինդլերը խոստովանել է, որ իր գերատեսչությունը մի շարք սխալներ է թույլ տվել ԱՄՆ-ի Ազգային անվտանգության գործակալության (ԱԱԳ) հետ համագործակցելիս, հաղորդում է «Արմենպրես»-ը՝ հղում անելով Associated Press-ին: Դրա պատճառներից թվում նա նշել է գերմանական հետախուզության կախվածությունն ամերիկյան հատուկ ծառայություններից:

Խորհրդարանում կայացած ունկնդրումների ժամանակ ունեցած իր ելույթում Շինդլերը հայտարարել է, որ BND-ն մի քանի տարվա ընթացքում պատշաճ կերպով չի ստուգել լրտեսման այն օբյեկտների ցանկը, որոնք ներկայացրել է ԱԱԳ-ն: Նրա խոսքով՝ Գերմանիայի գերատեսչության մի շարք աշխատակիցներ ամերիկյան հետախուզության կասկածելի նպատակների մասին իմացել են տակավին 2005 թականին, սակայն ինքն դրանց մասին իրազեկվել է սոսկ 2015-ի մարտին՝ պաշտոնն ստանձնելուց երեք տարի անց:

Նա այդ վրիպումը համարել է «զարմանալի»՝ նշելով, որ սույն փաստը լռության մատնել կարող էր հարկադրել Գերմանիայի հետախուզության կախվածությունն ամերիկյան հետախուզական ծառայությունից: Շինդլերը խոստացել է հանգամանալից հետաքննություն անցկանցնել գերատեսչությունում:

Ապրիլի վերջին Spiegel Online ինտերնետ-հրատարակությունը հաղորդել էր, որ ԱԱԳ-ն ավելի քան տասը տարի Եվրոպայում հետևել է քաղաքական գործիչներին, պաշտոնյաներին և ձեռնարկիչներին՝ օգտագործելով գերմանական հետախուզության տեխնիկական միջոցները: