Ռաքքայում կարելի է գնել սեքս-ստրկուհիներ Ադրբեջանից. ՄԱԿ
Աշխարհ
Ռաքքայում սեռական ստրկության վաճառված կանանց մեջ կան նաև ադրբեջանցիներ:
Այս մասին, ինչպես հաղորդում է «Արմենպրես»-ը, ասվում է ՄԱԿ-ի գլխավոր քարտուղարի հատուկ ներկայացուցիչ Զեյնաբ Բանգուրիի զեկույցում: Այդ փաստը հաստատում են ԻՊ-ի մարտիկների կողմից տարածված տասնյակ ապացույցները:
Մեկնաբանելով փաստը՝ Ադրբեջանի «Թեմիզ դունյա» (Մաքուր աշխարհ) կազմակերպության ղեկավար Մեհրիբան Զեյնալովան նշել է, որ սեռական ստրկության մեջ հայտնված ադրբեջանցիներն այն կանայք են, որոնք Ադրբեջանից հեռացել են իրենց ամուսինների պահանջով:
«Մեր դիտարկումները ցույց են տալիս, որ այդ կանայք մարտական գործողությունների գոտի են ուղարկվում իրենց ամուսինների դրդմամբ: ՄԱԿ-ի զեկույցում ասվում է, որ նրանք այնտեղ սովորաբար հայտնվում են սեռական ստրկության մեջ»,- ասել է նա:
Տարբեր երկրներից, այդ թվում' Ադրբեջանից մահմեդական կանայք մեկնում են Իրաք և Սիրիա' միանալու ԻՊ-ին' այսպես կոչված սեքս-ջիհադի համար: Այդ մահմեդական կանայք համոզված են, որ ԻՊ-ի մարտիկներին սեռական ծառայություններ մատուցելով իրենք դրախտ կընկնեն:
Զեյնալովան նշել է, որ ադրբեջանուհիների' ԻՊ-ում հայտնվելը մարդկանց առևտրի տարր է: Նրա խոսքով' միայն անցյալ տարի Ադրբեջանի իրավապահ մարմինների կողմից մարդկանց առևտրի 97 դեպք է հայտնաբերվել:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
