ՀԱՊԿ-ի խորհրդարանականները արտագնա նիստ կանցկացնեն Տաջիկստանում

Հավաքական անվտանգության պայմանագրի կազմակերպության անդամ պետությունների խորհրդարանականները մայիսի 26-27-ին կանցկացնեն պաշտպանության և անվտանգության կոմիտեների նախագահների Համակարգող խորհրդակցության արտագնա նիստ և կքննարկեն Կենտրոնասիական տարածաշրջանի իրադրությունը: Այդ մասին, ինչպես տեղեկացնում է «Արմենպրես»-ը, մայիսի 25-ին հաղորդել է կազմակերպության մամուլի ծառայությունը:

«Նիստի մասնակիցները կքննարկեն ՀԱՊԿ-ի հավաքական անվտանգության Կենտրոնասիական տարածաշրջանի իրադրությունը»,- ասված է հաղորդագրության մեջ:

ՀԱՊԿ-ի գլխավոր քարտուղարը հանդես կգա ՀԱՊԿ-ի ռազմական բաղադրիչի վիճակի և զարգացման հեռանկարների վերաբերյալ զեկույցով, ինչպես նաև կպատմի Աֆղանստանում իրադրության զարգացման միտումների մասին:

Բացի այդ, խորհրդարանականները կայցելեն տաջիկա-աֆղանական սահման, Տաջիկստանի զինված ուժերի դեսանտային-գրոհային բրիգադ և հանրապետության նախագահին առընթեր թմրանյութերի նկատմամբ հսկողության գործակալություն:

ՀԱՊԿ-ն միավորում է Ռուսաստանը, Բելառուսը, Հայաստանի, Ղազախստանը, Ղրղզստանը և Տաջիկստանը: Օպերատիվ հակազդման հավաքական ուժերն ստեղծվել են 2009 թվականին և ներառում են 22 հազար մարդ: Նրանցից բացի, ՀԱՊԿ-ի հավաքական ուժերը ներառում են Կենտրոնասիական տարածաշրջանի արագ հակազդման հավաքական ուժերը, հավաքական խաղաղապահ ուժերը, հավաքական ավիացիոն ուժերը և հատուկ գործողությունների ուժերը, հաղորդել է ՌԻԱ Նովոստին: