Թեքսասում գետը քշել-տարել է 13 կենվորով հյուրատունը
Աշխարհ
Թեքսասի նահանգի կենտրոնական մասում հեղեղման ընթացքում գետը քշել-տարել է այն տունը, որտեղ գտնվում էր 13 մարդ: Նրանցից 12-ը մինչ այժմ համարվում է անհայտ կորած, հաղորդում է «Արմենպրես»-ը՝ հղում անելով Associated Press-ին:
Միջադեպը տեղի է ունեցել մայիսի 25-ին Հեյսի օկրուգում: Հեղեղումը բարձրակետին է հասել վաղ առավոտվան: Տունը քշել-տարել է ափերից դուրս եկած Բլանկո գետի ջրահոսքը: Ջուրը կառույցը պոկել է հիմքից, այնուհետև հոսանքով քշել ու խփել կամրջին: Առայժմ գտնվել են տան միայն առանձին բեկորներ, մարդկանց ճակատագիրը մնում է անհայտ:
Տունը գտնվում էր Ուիմբեռլիի հովտում՝ այն վայրում, որը ժողովրդականություն է վայելում հանգստյան օրերին այստեղ հանգստացող զբոսաշրջիկների շրջանում: Ինչպես և հարևան մենատները, այն իրենից փոքրիկ հյուրանոց էր ներկայացնում:
Փրկվել հաջողվել է տանը եղած միայն մեկ մարդու: Նրա խոսքով՝ այնտեղ, բացի իրենից, եղել է 12 հոգի՝ երկու ընտանիք:
Իշխանությունները հաստատել են հեղեղման պատճառով մեկ մարդու զոհվելը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
