Մեքսիկայում տոռնադոյից առնվազն 13 մարդ է զոհվել, տուժել են հարյուրավոր բնակիչներ

Մեքսիկայի Սյուդադ-Ակունյա քաղաքին տոռնադոյի հարվածի հետևանքով առնվազն 13 մարդ է զոհվել, վիրավորների թիվը հասնում է 229-ի, տեղեկացնում է «Արմենպրես»-ը՝ հղում անելով տեղական իշխանություններին:

Մեքսիկայի ՆԳ նախարարության տվյալներով՝ այժմ քաղաքում արտակարգ դրություն է հայտարարված: Աղետի հետևանքները վերացնելու համար միջոցներ կներգրավվեն կառավարության հատուկ ֆոնդից:

Տարերքը մոլեգնել է վաղ առավոտյան, ընդ որում տոռնադոն տևել է ընդամենը վեց վայրկյան, բայց աղետալի հետևանքներ է ունեցել: Զոհերից ու վիրավորներից բացի, վնաս է պատճառվել 750 տների, որոնցից 50-ն ավերված են, վնասվել է շուրջ 50 ավտոմեքենա:

Իշխանություններն արդեն հայտարարել են քաղաքի տուժած շրջանի երեք դպրոցներում պարապմունքները ժամանակավորապես դադարեցնելու մասին, մինչ այժմ Սյուդադ-Ակունյայի այդ մասում վերականգնված չէ էլեկտրամատակարարումը: Քաղաքում ութ ժամանակավոր ապաստան է ստեղծվել տուժածների և օթևանից զրկվածների համար:

Մեքսիկայի նախագահ Էնրիկե Պենյա Նիետոն արդեն հայտնել է, որ առաջիկա ժամերին անձամբ կայցելի Սյուդադ-Ակունյա՝ գնահատելու վերականգման ախատանքների ընթացքը և զորակցելու տուժածներին:

Մեքսիկայի տոռնադոյի պատճառը նույն այն ցիկլոնն էր, որը սաստիկ անձրևներ էր բերել ԱՄՆ-ի Տեխասի նահանգ: Այնտեղ անձրևներից առաջացած հեղեղումների հետևանքով զոհվել է մեկ մարդ, ևս 12-ն անհետ կորել են:

Տեքսասի նահանգապետը նահանգի 24 օկրուգ հայտարարել է տարերային աղետի գոտի, հաղորդել է ՌԻԱ Նովոստին: