Ֆրանսիացիների 76 տոկոսն Օլանդին լավ նախագահ չի համարում. Odoxa

Աշխարհ 27 Մայիս, 2015 1:47

Ֆրանսիացիների երեք քառորդից ավելին այն կարծիքին Է, որ Հինգերորդ հանրապետության նախագահ Ֆրանսուա Օլանդը պետության բավականաչափ լավ նախագահ չԷ, տեղեկացնում Է «Արմենպրես»-ը:

Մայիս ամսին Odoxa ընկերության անցկացրած հարցման համաձայն, «Կարող եք դուք արդյոք ասել, որ Ֆրանսուա Օլանդը հանրապետության լավ նախագահ Է» հարցին, դրա մասնակիցների 76 տոկոսը «ոչ» Է պատասխանել, և միայն 23 տոկոսն Է դրական պատասխան տվել:

Համանման հարցին, թե երկրի վարչապետ Մանուել Վալսը որքանով Է լավ իր պաշտոնի համար, հարցման մասնակիցներից դրական պատասխան Է տվել 41 տոկոսը, բացասական՝ 58 տոկոսը:

Դրա հետ մեկտեղ, հարցման կազմակերպիչները ֆրանսիացիների կողմից առավել սիրված քաղաքական դեմք են նշել երկրի նախկին վարչապետ Ալեն Ժյուպեին, որն ստացել Է հարցվածների ձայների 41 տոկոսը: Ֆրանսիայի նախկին նախագահ Նիկոլա Սարկոզիին հավանություն հայտնող ձայները կազմել են միայն 28 տոկոս:

Ըստ հարցման արդյունքների՝ 2017 թվականին Ֆրանսիայում անցկացվելիք նախագահական ընտրություններում Սարկոզիի հետ հավանական քաղաքական «մենամարտի» դեպքում ֆրանսիացիների միայն 42 տոկոսն են պատրաստ քվեարկել Օլանդի օգտին: Հարցման մասնակիցների մեծամասնությունը՝ 58 տոկոսը, հայտարարել Է, որ նախապատվությունը կտա Սարկոզիին:

Նշվում Է, որ Օլանդը կարող Է ընդհանրապես չանցնել քվեարկության երկրորդ փուլ, եթե նախագահ առաջադրվելու որոշում ընդունի նաև Ազգային ճակատի առաջնորդ Մարին լը Պենը: Այդժամ Օլանդը կարող Է դուրս մնալ արդեն առաջին փուլի արդյունքներով, քանի որ այդ դեպքում նա կկարողանա հավաքել 16-17 տոկոսից ոչ ավելի ձայն, հաղորդել Է ՌԻԱ Նովոստին: