Ամենաանհեթեթ գողությունը համացանցի հիթ է դարձել (տեսանյութ)

Համացանցում է հայտնվել մի տեսանյութ, որտեղ երիտասարդ կինը դանակ է գողանում խանութից. գրում է rg.ru-ն:

YouTube կայքի Դմիտրի Իվանով անուն-ազգանունով օգտատերը «Դարի գողությունը» վերնագրով տեսանյութ է ներբեռնել:

Տեսանյութում երևում է, թե ինչպես է կինը մոտենում սեղանին դրված դանակին, ապա ձևացնում, թե պայուսակում ինչ-որ բան է փնտրում, և դանակը զգուշորեն տեղավորում դրա մեջ:

Տեսանյութի մեկնաբանություններում աղջկան «գողության մաեստրո» են անվանել, իսկ մեկնաբանողներից մեկը կատակել է, թե դրանով նա ընդամենը շեղել է մարդկանց ուշադրությունը, մինչ ինչ-որ մեկն այդ պահին բանկոմատ է թալանել: