ԱՄՆ-ը կորցնում է իր ազդեցությունն աշխարհում` պայմանավորված Ռուսաստանի իմաստուն քաղաքականությամբ

Վաշինգտոնում հասկացել են, որ ԱՄՆ-ը վերջին վեց ամիսների ընթացքում արագորեն կորցնում է աշխարհում իր ազդեցությունը հիմնականում պայմանավորված Ռուսաստանի ղեկավարության պայմանական գործողություններով: Հենց դրանով կարելի է բացատրել ԱՄՆ-ի պետքարտուղար Ջոն Քերիի Սոչի կատարած անսպասելի այցը` Վլադիմիր Պուտինի և Սերգեյ Լավրովի հետ բանակցություններ անցկացնելու համար: Այս մասին հայտարարել է քաղաքական գիտությունների դոկտոր, Փրինսթոնի համալսարանի պրոֆեսոր Ուիլյամ Էնգդալը, գրում է ՌԻԱ Նովոստին:

Քաղաքագետի կարծիով` Ռուսաստանին իր տեղը ցույց տալու Միացյալ Նահանգների փորձը ձախողվել է  բոլոր ուղղություններով: Առաջին հերթին, նավթային ռազմավարության միջոցով ռուսական տնտեսությունը ոչնչացնելու ձգտումը ավելի շատ հարվածել է ԱՄՆ-ին: Եվ երկրորդ, Ռուսաստանի մեկուսացումը կազմակերպելու փորձը նույնպես ձախողվեց:

Էնգդալի կարծիքով` ամերիկյան նավթային ընկերություններին սպառնում սնանկացում, հանգեցնելով նրան, որ դոլարը կդադարի լինել համաշխարհային պահուստային արժույթ:

Քաղաքագետը մատնանշել է ԱՄՆ-ի կողմից կոշտ աշխարհաքաղաքական սխալը, որը կատարվել է Ռուսաստանի հետ պատերազմ մղելու մտադրության պատճառով: Ըստ փորձագետի, Ուկրաինայում ձախողված հեղաշրջումը Միացյալ Նահանգների համար կարող է վերածվել մի մղձավանջի: