Գերմանիայում տարհանում են 20 հազար բնակչի` Երկրորդ համաշխարհայինի թվերից մնացած ռումբի պատճառով

Գերմանիայում իշխանությունները տարհանում են Քյոլն քաղաքի ավելի քան 20 հազար բնակչի` Երկրորդ համաշխարհային պատերազմի թվերից մնացած ռումբի հայտնաբերումից հետո: Այս մասին հաղորդում է BBC-ն:

Այժմ քաղաքում փակվել են դպրոցները, մանկապարտեզները և բոլոր սոցիալական հաստատությունները: Նշվում է, որ դա Երկրորդ համաշխարհային պատերազմի ժամանակներից ի վեր ամենամասշտաբային տարհանումն է:

Այժմ մասնագետները սկսել են աշխատանքներ իրականացնել մեկ տոննա կշռող ռումբը վնասազերծելու համար: