Հավայան կղզիներում թրաձուկը մահացու խոցել է ձկնորսին
Աշխարհ
Հավայան կղզիներում զոհվել է ձկնորսական կատերի տերը, որին խոցել է թրաձուկը, տեղեկացնում է «Արմենպրես»-ը՝ հղում անելով BBC-ին:
Ըստ տեղական իշխանությունների հայտարարության՝ նավատեր Ռենսի Լլեյնսը խոշոր ձուկ է նկատել կղզեխմբի գլխավոր կղզու Հոնոկոհաու ծովախորշում: Նա որսատեգային հրացանով թռել է ջուրը և տեգահարել ձկանը, բարց այնուհետև տեգի պարանը փաթաթվել է խարսխի շղթային, և ձուկը հայտվնել է ծուղակում:
Նա հետ է ոլորվել և գրոհել որսորդի վրա՝ իր թրով հարվածելով նրա կրծքին:
47-ամյա Ռենսի Լլեյնսը մահացել է տեղում, չնայած նրան առաջին օգնությունը ցույց տալու ներկաների փորձերին:
Ձուկն ունեցել է 90 սանտիմետր երկարություն, իսկ նրա թրաձև ոսկրացած երախը հասել է մոտավորապես նույն չափերի, ասված է հողային և բնական պաշարների տեղական բաժնի հաղորդագրության մեջ:
Ոստիկանությունն այս միջադեպի հետաքննություն է վարում:
Ծնունդով Հավայան կղզիներից Լլեյսն ավելի քան 18 տարի աշխատել է սիրող ձկնորսների ծովային ուղևորությունների կազմակերպման բնագավառում և ուներ հավայան ջրերում ձկան որսի ավելի քան 25-ամյա փորձ:
ՈՒՂԻՂ ԵԹԵՐ
Ամենադիտված 
Թրամփը նշել է «աշխարհի մեծագույն առաջնորդներից» երկուսի անունները
