Եգիպտոսում ձերբակալվել են «Մուսուլման եղբայրների» հետախուզվող առաջնորդները
Աշխարհ
Եգիպտոսի ազգային անվտանգության ծառայությունը երկուշաբթի երեկոյան ձերբակալել է «Մուսուլման եղբայրներ» ասոցիացիայի երկու բարձրաստիճան անդամի՝ Աբդուրահման Ալ-Բարին և Մահմուդ Գազլյանին, ովքեր հետախուզվում էին 2013 թվականի օգոստոսից: Այս մասին տեղեկացնում է ՌԻԱ «Նովոստին»:
Գազլյանը իսլամիստական ասոցիացիայի ղեկավար բյուրոյի անդամ է, իսկ Ալ-Բարը՝ «Մուսուլման եղբայրների» վաղեմի մուֆթին:
«Ալ-Ահրամ» թերթի պորտալի հաղորդմամբ՝ նրանց հետ ձերբակալվել են նաև երկու հանցակիցներ: Եգիպտոսում արգելված կազմակերպության երկու գործիչները իրավապահներից թաքնվել են 2013-ի օգոստոսից, և հատուկ ծառայությունների տվյալներով՝ ղեկավարել Եգիպտոսում ասոցիացիայի ընդհատակյա գործունեությունը:
Սա 2013-ի հուլիս-օգոստոսից ասոցիացիայի նման ռանգի ղեկավարների առաջին ձերբակալությունն է:
Ձերբակալությունը կատարվել է հատուկ ծառայությունների հայտարարությունից ժամեր անց՝ երկրի անվտանգության ուժերի, քաղաքական գործիչների ու լրագրողների նկատմամբ թշնամական գործունեության վերաբերյալ իսլամիստական ասոցիացիայի ծրագրի գաղտնազերծման մասին:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
