Վաշինգտոնը պատուհասել են հորդառատ անձրևները. կա ջրհեղեղի սպառնալիք

Երկուշաբթի երեկոյան Վաշինգտոնում տեղացել են հորդառատ անձրևներ: Ընդամենը մեկուկես ժամում ԱՄՆ մայրաքաղաքը ծածկվել է հսկայական քանակությամբ ջրով. փոխանցում է ՌԻԱ «Նովոստին»:

Վատ եղանակի պատճառով քաղաքում մի քանի դեպք է գրանցվել:

Տեղի իշխանությունների տեղեկությամբ՝ ներկայումս տրանսպորտային հաղորդակցությունը քաղաքում և դրա արվարձաններում գործնականում նորմալացել է, ուշացումներ կան միայն մետրոյի կայարաններից մեկում:

Օդերևութաբանները զգուշացնում են, որ առաջիկա ժամերին քաղաքում ջրհեղեղի վտանգ կա: Իշխանությունները համապատասխան ծանուցումներ են ուղարկում բջջային հեռախոսներին: Նրանք խնդրում են խուսափել ցածրադիր փողոցներով երթևեկելուց: