Ռուսաստանն ու ԱՄՆ-ն աստիճանաբար վերադառնում են բնականոն հարաբերություններին. Լավրով
Աշխարհ
Ռուսաստանի և ԱՄՆ-ի ներկայիս հարաբերությունները չի կարելի անվանել նոր «վերբեռնում»: Այս մասին հայտարարել է ՌԴ արտգործնախարար Սերգեյ Լավրովը Bloomberg հեռուստաալիքին տված հարցազրույցում, հաղորդում է ՏԱՍՍ-ը:
««Վերբեռնումը» հորինված է Հիլարի Քլինթոնի և ԱՄՆ նախագահ Բարաք Օբամայի վարչակազմի կողմից: Ռուսաստանի նախագահ Վլադիմիր Պուտինը լավ անձնական հարաբերություններ ուներ Ջորջ Բուշ-կրտսերի հետ, սակայն պրակտիկ համագործակցության վրա դա չէր անդրադառնում»,- ասել է Լավրովը:
«Ես իրատես եմ, նախագահները շփվում են հեռախոսով: Մենք համագործակցում ենք` որտեղ մեր շահերը համընկնում են: Ես չեմ կարող դա անվանել նոր «վերբեռնում», ավելի շուտ` վերադարձ նորմալ հարաբերություններին»,- նշել է ՌԴ ԱԳ նախարարը:
Նրա խոսքով՝ առաջնորդների միջև կապերը պրագմատիկ բնույթ են կրում:
«Անկասկած, մենք վիրավորվածի դիրք չենք բռնում և չենք հրաժարվում փոխգործակցությունից: Սակայն մենք կգնանք համագործակցության ոչ թե, որ նրանք հենց այդ ոլորտում են ցանկանում համագործակցել, այլ նրա համար, որ այդ կոնկրետ ոլորտները համապատասխանում են մեր շահերին»,- հայտարարել է Լավրովը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
