Սաակաշվիլիին զրկել են Վրաստանում քաղաքական գործունեություն ծավալելու իրավունքից
Աշխարհ
Վրաստանի նախկին նախագահ Միխեիլ Սաակաշվիլին, համաձայն վրացական օրենքի, իրավունք չունի գլխավորել «Միացյալ ազգային շարժում» կուսակցությունը, ինչպես նաև վարել քաղաքական ցանկացած գործունեություն Վրաստանում, քանի որ մեկ այլ երկրի քաղաքացի է, հայտարարել է Վրաստանի քաղաքական կուսակցությունների ֆինանսական մոնիթորինգի ծառայության ղեկավար Զուրաբ Ազնաուրաշվիլին, հաղորդում է «Ինտերֆաքսը»:
««Քաղաքացիների քաղաքական միավորման մասին» օրենքի համաձայն` մեկ այլ երկրի քաղաքացին իրավունք չունի քաղաքական գործունեություն ծավալել Վրաստանում, հետևաբար`«Միացյալ ազգային շարժում» կուսակցությունը պետք է փոխի իր առաջնորդին, հակառակ դեպքում` դա կլինի օրենքի խախտում»,- ասել է Ազնաուրաշվիլին:
Նա չի բացառել, որ եթե օրենքի պահանջը չկատարվի, ապա Սաակաշվիլիի կուսակցության հանդեպ կարող են պատժամիջոցներ կիրառվել:
Սաակաշվիլիի կուսակցությունում հայտնել են, որ առաջնորդին փոխելու հարցը չի քննարկվում:
Հիշեցնենք, որ Ուկրաինայի նախագահ Պյոտր Պորոշենկոն ուկրաինական քաղաքացիություն է շնորհել Սաակաշվիլիին և նշանակել Օդեսայի նահանգապետ:
ՈՒՂԻՂ ԵԹԵՐ
Ամենադիտված 
Թրամփը նշել է «աշխարհի մեծագույն առաջնորդներից» երկուսի անունները
