Մերկելը մեղադրել է Ռուսաստանին՝ «համաշխարհային կարգը խախտելու» մեջ
Աշխարհ
Գերմանիայի կանցլեր Անգելա Մերկելը հայտարարել է, որ Ռուսաստանի կողմից Ղրիմի բռնակցման պատճառով համաշխարհային կարգը խախտվել է: Այս կարծիքը նա արտահայտել է G7-ի երկրների ԱԳՆ ղեկավարների հանդիպման նախօրեին, որը կայանալու է հունիսի 7-ից 8-ը: Այս մասին հաղորդում ՏԱՍՍ-ը՝ հղում անելով ճապոնական Yomiuri թերթին:
Նա նաև մատնանշել է «համաշխարհային հանրության հիմնական ռիսկերը»: «Ո՞վ կարող էր պատկերացնել, որ «Սառը պատերազմի» ավարտից 25 տարի անց Եվրոպայում համաշխարհային կարգը կխախտվի Ղրիմի անեքսիայի միջոցով: Դժվար էր պատկերացնել, որ Էբոլայի համաճարակը կարող է վտանգել մի շարք Աֆրիկյան երկրների զարգացումը: Նույնպես դժվար էր պատկերացնել, թե ինչպիսի վտանգ կարող են ներկայացնել Մերձավոր Արևելքում գործող ծայրահեղական խմբավորումները»,- ասել է Գերմանիայի կանցլերը:
Ըստ նրա՝ այդ բոլոր հարցերը պահանջում են միջազգային հանրության պատասխանը: Նրանք ներառված կլինեն G7 գագաթնաժողովի օրակարգում:
Հիշեցնենք, որ «Մեծ յոթնյակի» երկրները կարող են դիտարկել Ռուսաստանի դեմ նոր պատժամիջոցներ սահմանելու հարցը Բավարիայում հունիսի 7-ին և 8-ին կայանալիք գագաթնաժողովում: Այդ մասին ճեպազրույցի ընթացքում հայտարարել է Սպիտակ տան մամուլի քարտուղար Ջոշուա Էռնեստը:
ՈՒՂԻՂ ԵԹԵՐ
Ամենադիտված 
Թրամփը նշել է «աշխարհի մեծագույն առաջնորդներից» երկուսի անունները
