Ուկրաինայից ԵՄ արտագաղթել ցանկացողների թիվը մոտենում է Սիրիայի ու Սոմալիի ցուցանիշներին
Աշխարհ
ԵՄ-ի տվյալները վկայում են, որ հայրենիքը լքել ցանկացող և Եվրոպայի երկրներում ապաստան ստանալ ցանկացող ուկրաինացիների թիվը հասել է պայթյունավտանգ մակարդակի: Այս մասին լրագրողների հետ զրույցում հայտարարել է Ապաստան տրամադրելու հարցերով եվրոպական գործակալության (EASO) գործադիր տնօրեն Ռոբերտ Վիսերը. փոխանցում է ՏԱՍՍ-ը:
«Նախորդ տարի (ԵՄ-ի երկրներում, Շվեյցարիայում ու Նորվեգիայում) ապաստան ստանալու հայտ ներկայացրածների ընդհանուր թիվը կազմել է 660.000 մարդ: Դրանցից 220 հազարը բաժին է ընկել միջերկրածովյան տարածաշրջանին, իսկ մնացյալ 440 հազարը՝ մյուս շրջաններին: Եվ դա կարևոր է ըմբռնման համար»,- մեջբերում է նրա խոսքերը Euractiv պորտալը:
Վիսերի խոսքով՝ Արևելյան Եվրոպայից ժամանած անձանց թվում ամենամեծ խումբը ներկայացնում են Ուկրաինայից եկածները: Նա հավելել է, որ Ուկրաինան այն 6 երկրի թվում է, որտեղ առկա են առավել ոչ բարեկեցիկ ցուցանիշներ:
Գործակալության տնօրենի խոսքով՝ մնացյալ հինգ երկրներն են Սիրիան, Էրիթրեան, Իրաքը, Սոմալին ու Նիգերը:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
