Տաջիկստանի նախագահի հետ ՀԱՊԿ-ի պաշտպանության նախարարների հանդիպմանը կարևորվել է կազմակերպության ամրապնդումը
Աշխարհ
Տաջիկստանը հանդես է գալիս ՀԱՊԿ-ի ներուժն ամրապնդելու օգտին: Այդ մասին, ինչպես տեղեկացնում է «Արմենպրես»-ը, հանրապետության նախագահ Էմոմալի Ռահմոնը հայտարարել է ՀԱՊԿ-ի անդամ պետությունների պաշտպանության նախարարների հետ հունիսի 4-ին Դուշանբեում կայացած հանդիպմանը:
«Մեր կազմակերպությունը խաղաղության պահպանման կարևորագույն գործոններից մեկն է իր պատասխանատվության տարածաշրջանում: Այն կոչված է անվտանգության արդյունավետ գոտի ստեղծել ընդհանուր տարածքում»,- ասել է նախագահը:
Պետության ղեկավարը նաև ընդգծել է, որ Տաջիկստանը «գերակա նշանակություն է տալիս ՀԱՊԿ-ի շրջանակներում փոխգործակցությանը և հանդես է գալիս նրա ներուժն ամրապնդելու օգտին»:
Ինչպես նշում է ՏԱՍՍ-ը, Դուշանբեում հունիսի 4-ին տեղի է ունենալու Հավաքական անվտանգության պայմանագրի կազմակերպության անդամ պետությունների պաշտպանության նախարարների խորհրդի հերթական նիստը: Այդ կազմակերպության մեջ մտնում են Ռուսաստանը, Հայաստանը, Բելառուսը, Ղազախստանը, Ղրղզստանը և Տաջիկստանը:
ՈՒՂԻՂ ԵԹԵՐ
Ամենադիտված 
Թրամփը նշել է «աշխարհի մեծագույն առաջնորդներից» երկուսի անունները
