Հունաստանը և Եվրահանձնաժողովը կշարունակեն պետական պարտքի շուրջ բանակցությունները

Եվրահանձնաժողովի ղեկավար Ժան Կլոդ Յունկերի հետ Հունաստանի վարչապետ Ալեքսիս Ցիպրասի բանակցությունները եղել են կառուցողական, դրանք կշարունակվեն: Այդ մասին, ինչպես տեղեկացնում Է «Արմենպրես»-ը, հանդիպումից հետո հայտարարել են Հունաստանի վարչապետը և ԵՀ-ի ղեկավարը:

Հանդիպումը շարունակվել Է գրեթե 2,5 ժամ, այնուհետև աշխատանքային ընթրիքի ժամանակ Ցիպրասին և Յունկերին Է միացել Եվրախմբի (Եվրոգոտու ֆինանսների նախարարների խորհրդի) ղեկավար Երուն Դեյսելբլումը:

«Դա լավ հանդիպում Էր, և մենք մի քանի օր հետո կշարունակենք քննարկումը»,- հայտարարել Է նա լրագրողներին:

Հանդիպումից անմիջապես հետո Ցիպրասը հայտարարել Է, որ Հունաստանի ներկայացրած առաջարկությունը մնում Է միակ իրատեսականը և կառուցողականը բանակցությունների սեղանին: «Մենք բարեկամական և կառուցողական քննարկում ունեցանք»,- հայտարարել Է վարչապետը: Դրա հետ մեկտեղ նա բացառել Է խիստ խնայողության քաղաքականության շարունակումը:

«Կան, սակայն, հանգամանքներ, որոնց շուրջը մենք չԷինք կարող մերձենալ, որովհետև խոսքը վերաբերում Է մի երկրի, որը վերջին հինգ տարվա ընթացքում տնտեսական մեծ աղետ Է ապրում, խիստ խնայողության հինգ տարվա ընթացքում մենք կորցրել ենք համախառն ներքին արդյունքի 25 տոկոսը»,- ասել Է վարչապետը:

Բանակցությունների արդյունքների վերաբերյալ Եվրահանձնաժողովի հայտարարության մեջ նշված Է, որ հանդիպումը եղել Է մասնավոր:

«Դա լավ, կառուցողական հանդիպում Էր: Առաջընթաց նկատվեց տարբեր առաջարկությունների հիման վրա միմյանց դիրքորոշումների ըմբռնման հարցում: Որոշվեց, որ մենք կրկին հանդիպենք: Հետաքրքրական աշխատանքը կշարունակվի»,- ասված Է Եվրահանձնաժողովի հայտարարության մեջ:

Մինչդեռ Հունաստանի իրադրությունը դարձել Է ԱՄՆ-ի նախագահ Բարաք Օբամայի և ֆինանսների նախարար Ջեկ Լյուի հանդիպման առարկան, հաղորդել Է «Նաֆտեմպորիկի» գործարար տեղեկատվության կայքը:

Մեկնաբանների կարծիքով՝ բացառված չԷ ԱՄՆ-ի նախագահի միջամտությունը, որպեսզի թույլ չտրվեն Հունաստանի և վարկատուների միջև բանակցությունների ձախողում և դրա հետ կապված բացասական հետևանքներ համաշխարհային տնտեսության համար, հաղորդել Է ՌԻԱ Նովոստին: