Պորոշենկոն չի հարգում իր ժողովրդին. Բուրջանաձեն` Սաակաշվիլիի նշանակման մասին
Աշխարհ
Վրաստանի քաղաքական գործիչ Նինո Բուրջանաձեն ցավակցությունն է հայտնել Օդեսայի մարզի բնակիչներին, որոնց նահանգապետն է դարձել Միխեիլ Սաակաշվիլին: «Ռոսիա 24» հեռուստաալիքին տված հարցազրույցում նա նշել է, որ Պյոտր Պորոշենկոն անհարգալից վերաբերմունք է դրսևորել իր ժողովրդի նկատմամբ՝ նշանակելով այդ պաշտոնին օտարերկրացու, ով հայրենիքում մեղադրվում է ծանր հանցագործությունների մեջ:
«Եթե ես իշխանության գլխին լինեի, առանց որևէ քաղաքական ռևանշի և դրդապատճառի՝ կտրամադրեի այսպիսի նյութեր, որ Սաակաշվիլին նստած կլիներ բանտում: Սակայն, եթե նույնիսկ չլիներ ոչ մի ապացույց, դա բարեկամական քայլ չէ բարեկամական երկրի համար: Ուկրաինայի նախագահը գիտի, որ Սաակաշվիլին հետախուզման մեջ է: Այնուամենայնիվ, նա նշանակվել է թիմում: Չեմ ուզում չարախնդալ, սակայն Ուկրաինան բացասական պտուղներ կքաղի դրանից»,- զգուշացրել է Նինո Բուրջանաձեն:
Մայիսի 30-ին Ուկրաինայի նախագահ Պյոտր Պորոշենկոն քաղաքացիություն է շնորհել իր խորհրդական Միխեիլ Սաակաշվիլիին և նշանակել նրան Օդեսայի նահանգապետ:
ՈՒՂԻՂ ԵԹԵՐ
Ամենադիտված 
Թրամփը նշել է «աշխարհի մեծագույն առաջնորդներից» երկուսի անունները
