Լեհաստանի հյուսիսում մեկնարկել են BALTOPS-15 վարժանքները 17 երկրների 40 ռազմանավերի մասնակցությամբ

Լեհաստանի հյուսիսում հունիսի 5-ին մեկնարկել են BALTOPS-15 զորավարժությունները: Այդ մասին, ինչպես տեղեկացնում է «Արմենպրես»-ը, հաղորդել է հանրապետության պաշտպանության նախարարությունը:

Մինչև հունիսի 8-ը Գդինյա նավահանգիստ կմտնեն 15 երկրի 40-ից ավելի ռազմանավ: Վարժանքներին կմասնակցեն 17 պետության՝ Բելգիայի, Դանիայի, Էստոնիայի, Ֆինլանդիայի, Ֆրանսիայի, Վրաստանի, Նիդեռլանդների, Կանադայի, Լիտվայի, Լատվիայի, Գերմանիայի, Նորվեգիայի, Լեհաստանի, Շվեդիայի, Թուրքիայի, մեծ Բրիտանիայի և ԱՄՆ-ի հինգ հազար զինվոր:

«Չորավարժությունների նպատակը Բալթիկ ծովում միավորված միջազգային ծովային ու ցամաքային գործողություն անցկացնելն է՝ ՆԱՏՕ-ի պետությունների և գործընկեր երկրների ռազմածովային, ռազմաօդային ուժերի և հետևակի օգտագործմամբ»,- նշել է Լեհաստանի պաշտպանական գերատեսչությունը:

BALTOPS-15 վարժանքները Բալթիկ ծովի ջրերում կազմակերպվում են 1972 թվականից: Սկզբնապես դրանց մասնակցում էին միայն ՆԱՏՕ-ի անդամները: 1993 թվականից զորավարժություններին հրավիրվում են նաև այլ պետություններ: Ինչպես նշում է ՏԱՍՍ-ը, ընթացիկ տարում երկար ժամանակ ի վեր առաջին անգամ BALTOPS վարժանքներն անցկացվում են առանց Ռուսաստանի մասնակցության: