Սաուդյան Արաբիայում բլոգերը կդատապարտվի մտրակի 1000 հարվածի` իսլամը վիրավորելու համար
Աշխարհ
Սաուդյան Արաբիայի Գերագույն դատարանն ուժի մեջ է թողել բլոգեր Ռաիֆ Բադավիի դատավճիռը: Նա դատապարտվել էր 10 տարվա ազատազրկման և մտրակի 1000 հարվածի` իսլամը վիրավորելու համար, գրում է Lenta.ru-ն:
Դատարանի վճռի համաձայն` որոշումը վերջնական է և չի կարող բողոքարկվել:
2015թ. մարտին Սաուդյան Արաբիան «զարմանք և հիասթափություն» է հայտնել բլոգերի դատավճռի առնչությամբ միջազգային հանրության քննադատական արձագանքի վերաբերյալ: Այդ ժամանակ երկրի ԱԳՆ-ն պահանջել էր չխառնվել իր ներքին հարցերին:
Բադավին ձերբակալվել է 2012-ին, իսկ նրա ստեղծած Սաուդյան ազատ լիբերալներ ֆորումը փակվել է: Իր բլոգում Բադավին քննարկել է կրոնի հարցերը, ինչպես նաև քննադատությամբ է հանդես եկել երկրի գերագույն հոգևորականության հանդեպ, իսկ փակված պորտալը կոչ էր անում ազատել քաղբանտարկյալներին: Այդ գործողությունները որակվել են որպես իսլամի հանդեպ վիրավորանք և սադրիչ նյութերի տարածում:
Դատական առաջին նիստի ժամանակ բլոգերին դատապարտել են 7 տարվա ազատազրկման և մտրակի 600 հարվածի: Մեղադրող կողմը բողոքարկել էր դատավճիռը` որպես չափազանց մեղմ, և դատարանը խստացրել էր պատիժը մինչև 10 տարի և մտրակի 1000 հարվածի:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
