Ընտրություններ Մեքսիկայում. քվեարկության չեղարկում և հրկիզումներ ընտրատեղամասերում
Աշխարհ
Կիրակի օրը Մեքսիկայում դաշնային և տարածքային ընտրություններն անցել են ընտրատեղամասերում բողոքների և բռնարարքների ակտերի ֆոնին: Այս մասին տեղեկացնում է ՌԻԱ «Նովոստին»:
Գերերո նահանգի Ընտրական ինստիտուտի ղեկավար Մարիսելա Ռեյեսի տվյալներով` Տիստլա քաղաքում ընտրությունները չեղարկվել են` ավելի քան 50% ընտրատեղամասերում հրկիզումների պատճառով: Իշխանությունները կարծում են, որ հրկիզումներն իրականացրել են անցած տարվա սեպտեմբերին կորած 43 ուսանողների հարազատներն ու ընկերները:
Օախակա նահանգում հրդեհներ են գրանցվել 32 ընտրատեղամասերում, Չյապասում նման գործողությունների համար ձերբակալվել է 11 մարդ:
Ընտրությունների դեմ բողոքները սկսվել են դրանց անցկացումից շատ ժամանակ առաջ` մի շարք հասարակական ուժերի, առաջին հերթին` կրթության ոլորտի աշխատողների արհմիությունների կողմից: Ընտրություններից առաջ հարձակումներ են կատարվել Տուստլա-Գուտյերես քաղաքում քաղաքական կուսակցությունների գրասենյակներում, արգելափակվել է Pemex նավթային ընկերության գործարանը, գրավված է հիդրոէլեկտրակայանը:
Ակցիաների մասնակիցները բողոքել են հանցավորության տարածվածության դեմ, պահանջել անվտանգության ապահովում, նաև իրենց սոցիալական պահանջների կատարում՝ աշխատավարձերի բարձրացում:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
