Մեծ Բրիտանիան հնարավոր է՝ իր տարածքում ԱՄՆ-ի միջուկային հրթիռներ տեղակայի
Աշխարհ
Մեծ Բրիտանիայի և Ռուսաստանի հարաբերություններում աճող լարվածության պատճառով թագավորությունն իր տարածքում կարող է դարձյալ ԱՄՆ միջուկային հրթիռներ տեղակայել: Այս մասին հայտարարել է Մեծ Բրիտանիայի արտաքին գործերի նախարար Ֆիլիպ Հեմոնդը` փոխանցում է Daily Mail-ը:
«Մենք այդ հարցը կքննարկեինք, եթե այն լիներ օրակարգում: Որոշումը մենք կկայացնեինք ԱՄՆ-ի հետ համատեղ: Մեզ անհրաժեշտ է Ռուսաստանին հստակ ազդանշան տալ, որ թույլ չենք տա հատել «կարմիր գիծը»»,-ասել է նախարարը:
Արտգործնախարարը նաև անհանգստություն է հայտնել ռուսական զինված ուժերի աճող ակտիվության և Կալինինգրադում թևավոր հրթիռներ տեղակայելու ՌԴ-ի պլանների առնչությամբ:
Հեմոնդը նաև հավելել է, որ Արևմուտքը չպետք է անհարկի սադրանքների գնա:
Մայիսի 16-ին գեներալ-մայոր Միխայիլ Մատվեևսկին հաղորդել էր, որ Ցամաքային զորքերի հրթիռային բրիգադը, որը տեղակայված է Կալինինգրադի մարզում, մինչև 2018 թվականը վերազինվելու է «Իսկենդեր-Մ» համակարգերով:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
