Իրանի իշխանությունները տարվա ընթացքում 150 սթափարան կբացեն երկրում
Իրան
Իրանի իշխանությունները երկրում 150 ալկոհոլային թունազերծման կենտրոններ կբացեն՝ արգելված ոգելից խմիչքների աճող գործածության ֆոնին: Այդ մասին, ինչպես տեղեկացնում Է «Արմենպրես»-ը, հայտնել Է երկրի առողջապահության նախարարության ներկայացուցիչը:
Թեհրանում առաջին սթափարանը բացվել Է 2013 թվականի վերջին: Բժշկական գերատեսչության աշխատակից բժիշկ Ալիռըզա Ռուզանին հայտարարել Է, որ ևս 150 նման կենտրոններ կբացվեն մինչև 2016 թվականի մարտը, հաղորդել Է ISNA գործակալությունը:
Պաշտոնական տվյալներով՝ 78 միլիոն բնակչությամբ երկրում կա գինեմոլությամբ հիվանդ շուրջ 200 հազար անձ: Ըստ որում, փորձագետների գնահատումների համաձայն՝ կանոնավոր կերպով ալկոհոլ Է գործածում առնվազն մեկ միլիոն իրանցի, հաղորդել Է France-Presse գործակալությունը:
Իրանում ալկոհոլի գործածումն արգելվել Է 1979 թվականի իսլամական հեղափոխությունից անմիջապես հետո: Այստեղ սպառվող ոգելից խմիչքների մեծ մասը երկիր Է ներթափանցում մաքսանենգությամբ Թուրքիայից և Իրաքյան Քրդստանից: Հաճախակի են ալկոհոլի տնայնագործական պատրաստման դեպքերը, հաղորդել Է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
