ԱՄՆ-ում ձախողվել է Մարսի վրա փափուկ վայրէջքի ապահովման ապարատի փորձարկումը
Աշխարհ
Մարսի վրա փափուկ վայրէջքի ապահովման համար տիեզերական ապարատի թռիչքային փորձարկումները, ապարատ, որը հայտնի է որպես «թռչող ափսե», հունիսի 8-ին Հավայան կղզիներում ավարտվել են անհաջողությամբ: Այս մասին, ինչպես տեղեկացնում է «Արմենպրես»-ը, հայտարարել են Օդագնացության և տիեզերական տարածության հետազոտման ազգային վարչության՝ NASA-ի ներկայացուցիչները:
Ինչպես նշվում է, պարաշյուտը, որը պետք է ապահովեր ապարատի փափուկ ջրէջքը, գործել է սխալ և բացվել է ոչ ամբողջովին: Նման իրավիճակ էր ստեղծվել «թռչող ափսեի» առաջին փորձարկման ընթացքում՝ 2014 թվականի հունիսի 28-ին: Այն ժամանակ նույնպես պարաշյուտը մինչև վերջ չէր բացվել, ինչը թույլ չէր տվել բավականաչափ մարել արագությունը: Այդ պատճառով ապարատն ուժեղ խփվել է ջրի մակերևույթին:
Ինչպես նշում է ՏԱՍՍ-ը, թեստերն անցկացվել են NASA-ի մշակած ծրագրին համապատասխան, որի նպատակն է 2035 թվականին օդաչուավոր տիեզերանավի արձակում դեպի Մարս՝ աստղանավորդների հետագա իջեցմամբ:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
