Պայթյուն է որոտացել ավստրալական սրճարանում, վիրավորվել է 20 մարդ

Ավստրալիայի Ռեյվենշու քաղաքում ավտոմեքենան մխրճվել է սրճարաններից մեկը, ինչի հետևանքով գազի պայթյուն է որոտացել և տուժել է 20 մարդ, տեղեկացնում է «Արմենպրես»-ը՝ հղում անելով ABC հեռուստաալիքին:

Արտակարգ պատահարը տեղի է ունեցել Serves You Right Cafe սրճարանում: Շտապօգնության ներկայացուցիչները հայտնել են, որ 20 մարդ տարբեր աստիճանի ծանրության այրվածքներ է ստացել: Տուժածներին երկու ուղղաթիռով տեղափոխել են հիվանդանոցներ:

Հեռուստաալիքի տվյալներով՝ հրշեջները դեռևս մարում են կրակը: Ոստիկանությունը փակել է մերձակա փողոցները, հաղորդել է ՌԻԱ «Նովոստին»: