Ուկրաինայում ներքին վերաբնակվածների թիվը հասել է 1,325 միլիոնի. ՄԱԿ
Աշխարհ
Ուկրաինայում ներքին վերաբնակվածների թիվը մեկ շաբաթում ավելացել է գրեթե 10 հազարով և հասել մեկ միլիոն 325 հազար 154-ի: Ինչպես տեղեկացնում է «Արմենպրես»-ը, այս տվյալները ներկայացված են ՄԱԿ-ի հումանիտար հարցերի համակարգման վարչության՝ մայիսի 30-ից մինչև հունիսի 5-ն ընդգրկող շաբաթական տեղեկագրում, որը հրապարակվել է հունիսի 8-ին:
Ընդ որում՝ 878 հազար ուկրաինացի ապաստան է փնտրել հարևան երկրներում, ինչը 11 հազարով ավելի է նախորդ շաբաթվա համեմատությամբ: «Դա նշանակում է, որ 2014 թվականի ապրիլի կեսից 2,2 մլն ուկրաինացի քաղաքացիներ, ներառյալ գրանցված ներքին վերաբնակներ, հակամարտության հետևանքով լքել են բնակության վայրերը»,- ասված է տեղեկագրում:
Նաև, ՄԱԿ-ի մարդու իրավունքների գերագույն կոմիսարի վարչության հունիսի 3-ի տվյալներով, Ուկրաինայի արևելքում հակամարտության ընթացքում զոհվել է առնվազն 6 հազար 454 մարդ, վերքեր են ստացել 16 հազար 146 բնակիչներ, հաղորդել է ՏԱՍՍ գործակալությունը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
