Ֆրանսիացի քննիչները TV5 Monde հեռուստատեսային ցանցի վրա հարաձակման մեջ կասկածում են ռուս հաքերներին

Ֆրանսիայի իրավապահ մարմինները, որոնք հետաքննում են TV5 Monde հեռուստատեսային ցանցի վրա իրականացված կիբերհարձակումը, հակված այն վարկածին, որ դրա մեջ ներգրավված են ռուս հաքերները, հայտնել է BFM TV հեռուստաալիքը-ը:

Հեռուստատեսության կայքում անձինք, որոնք նշել էին, որ ներկայացնում են «Իսլամական պետություն» խմբավորումը, ջիհադիստական քարոզչություն էին հրապարակել: Ֆրանսիական L’Express շաբաթաթերթի տեղեկություններով` նշանները ցույց են տալիս «Pawn Storm» անվանումով հայտնի խմբավորման վրա, որը նախկինում որպես թիրախ է ընտրել նաև Սպիտակ տունը, ՆԱՏՕ-ի անդամներին, ռուս այլախոհների և ուկրաինացի ակտիվիստներին պատկանող համակարգիչները:

Ապրիլի 8-ի երեկոյան TV5 Monde-ի կայքում և սոցիալական մեդիաների էջերում հրապարակվել էին «Իսլամական պետություն» խմբավորմանն աջակցության խոսքեր: Անգլերենով, ֆրանսերենով և արաբերենով հրապարակված հաղորդագրությունները սպառնալիքներ են պարունակել՝ ուղղված արտասահմանում ծառայող ֆրանսիացի զինվորների ընտանիքներին:

Դեռ երկու ամիս առաջ կիբերհարձակման ժամանակ France 24-ի ջիհադիստական շարժումների հարցերով փորձագետ Վասիմ Նասրը կասկած էր հայտնել ԻՊ խմբավորման հարձակման կապերի իսկության վերաբերյալ՝ նշելով, որ արաբերենով գրված հաղորդագրությունները բազմաթիվ ուղղագրական և քերականական սխալներ են պարունակել: