ՆԱՏՕ-ի երկրների բնակիչների մեծամասնությունը դեմ է Ուկրաինա սպառազինություններ ուղարկելուն. հարցում

ՆԱՏՕ-ի անդամ երկրների բնակիչների շուրջ 60 տոկոսը հանդես է գալիս Ուկրաինային զենքի մատակարարուրմների դեմ: Այս մասին, ինչպես տեղեկացնում է «Արմենպրես»-ը, վկայում են հետազոտական «Փյու կենտրոնի»(Pew Research Center) հարցման՝ հունիսի 10-ին հրապարակված արդյունքները:

Այն անցկացվել է ընթացիկ տարվա ապրիլից մինչև մայիսն ընկած ժամանակամիջոցում ՆԱՏՕ-ի ութ երկրներում՝ Մեծ Բրիտանիայում, Գերմանիայում, Իսպանիայում, Իտալիայում, Կանադայում, Լեհաստանում, ԱՄՆ-ում և Ֆրանսիայում: Ընդամենը հետազոտությանը մասնակցել է ավելի քան 11 հազար մարդ:

Զեկույցի հեղինակները հանգել են այն եզրակացության, որ Ուկրաինային սպառազինությունների մատակարարման պլաններին համաձայն չէ հարցման մասնակիցների 59 տոկոսը: Ըստ որում, օրինակ՝ Գերմանիայիում այս նախաձեռնությունը պաշտպանում է սոսկ 19 տոկոսը, իսկ ԱՄՆ-ում՝ 46 տոկոսը:

Միևնույն ժամանակ այդ երկրներում Ուկրաինային պատրաստ է տնտեսական օգնություն ցույց տալ հարցվածների 70 տոկոսը, նշում են զեկույցը կազմողները:

Բացի դրանից, ինչպես նշում են հետազոտական կենտրոնում, հարցման մասնակիցների 57 տոկոսը հանդես է գալիս ՆԱՏՕ-ին Ուկրաինայի անդամակցման օգտին: Սակայն, դրա հետ մեկտեղ, հետազոտության մասնակիցների 42 տոկոսը պատրաստ չէ պաշտպանելու դաշինքի կարևորագույն սկզբունքներից մեկը, որի համաձայն ՆԱՏՕ-ի գծով դաշնակիցները պետք է միմյանց աջակցություն ցուցաբերեն ռազմական հակամարտության երկրներից մեկի մասնակցելու դեպքում, հաղորդել է ՏԱՍՍ-ը: