Ահաբեկչական խմբավորումները զանգվածային սպանություն են իրականցրել Իդլիբի նահանգում
Աշխարհ
«Ջաբհա ան Նուսրա» և «Հարաքա Ահրար աշ Շամ ալ Իսլամիա» ահաբեկչական խմբավորումները զանգվածային սպանություն են իրականացրել Իդլիբի նահանգի Կալբ Լուզա գյուղի բնակիչների նկատմամբ: Ինչպես հաղորդում է «Արմենպրես»-ը' վկայակոչելով սիրիական ՍԱՆԱ գործակալությունը, սպանվել են շուրջ 30 բնակիչ, այրվել ու թալանվել տասնյակ տներ:
Սպանվածների թվում կան կրոնավորներ, կանայք: Ահաբեկիչները փակել են գյուղի մուտքը' արգելելով որևէ օգնություն բնակիչներին: Բնակիչներին հաջողվել է ոչնչացրել հինգ ահաբեկչի: Գյուղը գտնվում է Թուրքիայի սահմանի մերձակայքում:
Սիրիական բանակը «Հըզբոլլահի» հետ հունիսի 10-ին վերահսկողություն է հաստատել Դամասկոսի վարչական տարածքում' Կալամունի շրջանում գտնվող Բլոսքաթ բարձունքների վրա:
Ավելի վաղ համատեղ ուժերով ազատագրվել էին Շիբեթ Թամսեհ, Շիբեթ Ուադի ալ Ահմար, Քիրնեթ Ուադի ալ Ահմար տարածքները Ջարաջիրի բարձունքներում: Բախումների ընթացքում մեծ թվով ահաբեկիչներ են սպանվել:
Սիրիական բանակն ավելի քան չորս տարի անընդմեջ պայքար է մղում տասնյակ զինված խմբավորումների դեմ՝ փորձելով երկրում վերականգնել կայունությունն ու անվտանգությունը: ՄԱԿ-ի տվյալներով, սիրիական հակամարտության ընթացքում զոհերի թիվը գերազանցել է 220 հազարը:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
