Նազարբաևն առաջարկել է Աստանայում ստեղծել Խաղաղության և համաձայնության թանգարան
Աշխարհ
Ղազախստանի նախագահ Նուրսուլթան Նազարբաևը հունիսի 11-ին առաջարկել է Աստանայում ստեղծել Խաղաղության և համաձայնության թանգարան, տեղեկացնում է «Արմենպրես»-ը:
«Ես առաջարկում եմ մեզ մոտ՝ Աստանայում, այս շենքում՝ Խաղաղության և համաձայնության պալատում, ստեղծել Խաղաղության և համաձայնության թանգարան… Կարծում եմ՝ նման թանգարանն անհրաժեշտ է: Դա կլինի լավ վերաբերմունք մեր համագումարների նկատմամբ, մարդկության զարգացման խնդիրների կոնսոլիդացված լուծումների փորձի ընդհանրացում, կարևոր կլինի խաղաղության ամրապնդման և ժողովուրդների փոխըմբռնման համար»,-ասել է Նազարբաևը՝ հունիսի 11-ին ելույթ ունենալով համաշխարհային և ավանդական կրոնների առաջնորդների հինգերորդ համագումարում:
Պետության ղեկավարի մտահղացմամբ՝ թանգարանը միաժամանակ կուսումնասիրի կրոնների ու մշակույթների երկխոսության պատմությունը և կքարոզի համագումարի ընթացքում արտահայտված գաղափարները:
Համաշխարհային և ավանդական կրոնների առաջնորդների հինգերորդ համագումարը հունիսի 10-11-ին տեղի է ունեցել Աստանայում: Համագումարի գլխավոր թեման դարձել է կրոնական առաջնորդների և քաղաքական գործիչների երկխոսությունը հանուն խաղաղության և զարգացման, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
