Հուսահատ սիրիացիները քանդում են ցանցապատ սահմանը` փորձելով փախչել ԻՊ-ի կողմից վերահսկվող տարածքից (լուսանկարներ)

Հազարավոր սիրիացիներ, քանդելով ցանցապատ սահմանը, փորձել են հարևան պետություն փախչել «Իսլամական պետություն» ահաբեկչական խմբավորման հսկողության տակ գտնվող Թալ Աբյադ քաղաքից, հաղորդում է dailymail.co.uk-ը:

Սակայն ԻՊ-ի զինված գրոհայիններն արգելել են տղամարդկանց, կանանց ու երեխաներին հատել թուրքական սահմանը:

Այնուհանդերձ, քուրդ գրոհայինների ու ամերիկյան օդուժի հարձակումներից հետո ԻՊ-ի ահաբեկիչների դիրքերը թուլացել են, ինչից հետո Թալ Աբյադի բնակիչները փախել են Թուրքիա: