Ղազախստանում մարդատար ինքնաթիռում վայրէջքի ժամանակ հրդեհ է բռնկվել

Ղազախստանի Ակտաու միջազգային օդանավակայանում հրդեհվել է SCAT Airlines ղազախական ավիաընկերության ինքնաթիռը: Ինչպես փոխանցում է «Արմենպրես»-ը, վկայակոչելով TASS գործակալությունը, այդ մասին հայտնել է «Կազինֆորմը»: Պատահարը տեղի է ունեցել թռիչքային ուղու վրա այն բանից հետո, երբ ինքնաթիռը վայրէջք է կատարել: Ինքնաթիռում տարածվել է ծուխ, բարեբախտաբար, հրդեհը հնարավոր է եղել շատ արագ մեկուսացնել: Զոհերի և վիրավորների մասին չի հաղորդվում: