Ղազախստանի օդանավակայանում Boeing 737-ը բռնկվել է ուղևորների նստեցումից րոպեներ առաջ (լուսանկարներ)

Ղազախստանի Ակտաու միջազգային օդանավակայանում SCAT ավիաուղիներին պատկանող Boeing 737-300 ինքնաթիռը բռնկվել է թթվածնի բալոնի պայթյունից, մինչդեռ ուղևորների նստեցմանը մնացել էին հաշված րոպեներ, գրում է Daily Mail-ը:

Այդ սարսափելի տեսարանը DV742 թռիչքի ուղևորները հավանաբար երբեք չեն մոռանա, քանի որ տերմինալի պատուհանների մոտ կանգնած` դիտել են տեղի ունեցածը։

Նշվում է, որ հրդեհն ամբողջությամբ ոչնչացրել է 25 տարվա օդանավը` նախքան հրշեջների ժամանումը:

SCAT ավիաուղիներին մեղադրում են աշխարհի ամենավտանգավոր ավիափոխադրողը լինելու համար: