Boeing-ը Լե Բուրժեում ինքնաթիռների 331 պատվեր Է ստացել՝ զիջելով Airbus-ին

Boeing կոնցեռնը Փարիզի ավիասալոնում ստացել Է ինքնաթիռների 331 պատվեր՝ 52,2 դոլար ընդհանուր գումարի: Այդ մասին, ինչպես տեղեկացնում Է «Արմենպրես»-ը, հաղորդվում Է ընկերության մամուլի տեղեկագրում:

Այսպիսով Boeing-ը իր հիմնական մրցակցին՝ Airbus-ին, զիջել Է թե պատվերների թվաքանակով, թե դրանց գումարով: Ավելի վաղ Airbus-ը հայտնել Է, որ ստացել Է ինքնաթիռների 421 պատվեր՝ 57 մլրդ դոլար գումարի:

Boeing-ի պատվերների գումարը ներառում Է 20,2 մլրդ դոլար գումարի 154 օդանավերի կայուն պատվերներ եւ 30 մլրդ դոլար գումարի 177 ինքնաթիռների պայմանական պատվերներ:

Boeing-ը թողարկում Է լայն սպեկտրի քաղաքացիական ու ռազմական ավիացիոն տեխնիկա, մշակում տիեզերական ծրագրեր: Boeing-ը ներառում Է երկու խոշոր ստորաբաժանում՝ Boeing Commercial Airplanes-ը, որն զբաղվում Է քաղաքացիական ինքնաթիռների կառուցմամբ, եւ Integrated Defense Systems–ը, որն իրականացնում Է տիեզերական ու ռազմական ծրագրեր:

Ընկերության գործարանները տեղաբաշխված են 70 երկրում, արտադրանքը մատակարարվում Է 145 երկրների: Boeing-ը համագործակցում Է 100 երկրների ավելի քան 5,2 հազար մատակարարների հետ: Նրա աշխատակիցների հաստիքացուցակը կազմում Է շուրջ 159 հազար մարդ, հաղորդել Է ՌԻԱ Նովոստի գործակալությունը: