Դանիայի խորհրդարանական ընտրություններում հաղթել է ընդդիմությունը

Դանիայի խորհրդարանի (Ֆոլկետինգ) ընտրություններում հաղթել է ընդդիմադիր աջ կենտրոնամետ բլոկը՝ «Վենստրե» ազատական պահպանողական կուսակցության առաջնորդ լարս Լեքե Ռասմուսենի գլխավորությամբ, հաղորդում է ՏԱՍՍ-ը:

Բոլոր ձայների հաշվարկից հետո երկրի մայրցամաքային հատվածում պահպանողական կուսակցությունների կոալիցիան ստացել է խորհրդարանի 175 մանդատներից 90-ը: Իշխող կոալիցիան՝ վարչապետ, սոցիալ-դեմոկրատների առաջնորդ Հելլե Թորնինգ Շմիդտի գլխավորությամբ, ստացել է 85 մանդատ:

Ռասմուսենն արդեն հայտարարել է վարչապետի պաշտոնն ստանձնելու պատրաստակամության մասին:

Ռասմուսենը 2001-2007 թվականներին զբաղեցրել է ՆԳ նախարարի պաշտոնը, ինչպես նաև եղել է Դանիայի վարչապետը 2009-2011 թվականներին: