Գվատեմալայում 62-ամյա տղամարդը վազել է 200 կմ ի նշան բողոքի՝ ընդդեմ կոռուպցիայի

Գվատեմալայում 62-ամյա Օսվալդո Օչաոն վազքով անցել է 200 կմ ի նշան բողոքի՝ ընդդեմ երկրում առկա կոռուպցիոն դրսևորումների: Այս մասին հաղորդում է France Presse-ը:

Տարեց տղամարդը վազել է երկրով՝ մեկ շաբաթվա ընթացքում՝ պահանջելով երկրի նախագահ Օտտո Մոլինայի հրաժարականը:

Վազքի ընթացքում Օչաոն փաթաթված է եղել երկրի դրոշով:

Մայրաքաղաքում նա բոլոր գվատեմալացիներին կոչ է արել ոտքի կանգնել՝ ընդդեմ անպատժելիության և կոռումպացված քաղաքական գործիչների, ովքեր հարստացել են պետական միջոցների հաշվին: